రాజకీయాల కోసం మూడు సంవత్సరాల పాటు సినిమాలకు దూరంగా ఉన్న పవర్ స్టార్ పవన్ కళ్యాణ్ 'వకీలాసాబ్' అనే సినిమాతో వెండితెరపై రీఎంట్రీ ఇచ్చారు. దిల్ రాజు నిర్మాణంలో వేణు శ్రీ రామ్ దర్శకత్వంలో తెరకెక్కిన ఈ సినిమా బ్లాక్బస్టర్ హిట్ నిలిచింది. ఈ సినిమాలో పవన్ కళ్యాణ్ ఓ పవర్ఫుల్ లాయర్ పాత్రలో అద్భుతంగా నటించారు. అభిమానులతో పాటు, విమర్శకుల ప్రశంసలు అందుకున్న ఈ సినిమా భారీగా కలెక్షన్లు రాబట్టింది. ఈ మధ్యే ఓటీటీలో విడుదలైన ఈ సినిమా అక్కడ కూడా మంచి సక్సెస్ సాధించింది.
అయితే ఈ సినిమాకు సంబంధించి ఓ ఆసక్తికర వార్త తాజాగా సోషల్మీడియాలో వైరల్ అవుతోంది. ఈ సినిమా కోసం ముందుగా నిర్మాత దిల్ రాజు నందమూరి బాలకృష్ణను సంప్రదించారనే వార్త.. ప్రస్తుతం చక్కర్లు కొడుతోంది. హిందీ సినిమా 'పింక్' ఆధారంగా ‘వకీలాబ్' తెరకెక్కించారు. అక్కడ బిగ్బీ అమితాబ్ ప్రధాన పాత్రలో నటించగా.. సినిమా తమిళ రీమేక్లో అజిత్ ప్రధాన పాత్రలో నటించారు. దీంతో ఇక్కడ బాలకృష్ణ ఈ సినిమా చేస్తే బాగుంటుందని దిల్ రాజు భావించారట. అయితే ఆయన వేరే సినిమాలతో బిజీగా ఉన్న కారణంగా ఈ ఆఫర్ని తిరస్కరించారని తెలుస్తోంది.
No comments:
Post a Comment